neichs von dalenz

rüggbligg

die easde ausgob vo hoamsuachn woa a moads eafoig - vü leid, musiggalisch obweggslungsreich und a feine lokaischn...schen daung aun attwenger, die unfassbaren und de vaaunschdoidda!

heavorragende foddos gibds do.

dalenz leif

wia san eiglodn woan, am 5.meads zsaum mit attwenger und di unfassbaren an lusdign mundoadtobnd zu bschdreiddn...dabei wiad a jede menge neichs maderial auf sei leifdauglichgeid desd wean... aktuelle konzeadde

pop! sämpla

wia gfrein uns bekaundgem zdeaffn, das dalenz mid "geh weg" auf dem agduöm pop! sämpla vadreddn is.

des projekt pop! is a inidsiadife von da akm und da gföm (gsöschofd zua föadarung ösdareichischa musig) und soid neichn ösdareichischn bends den eischdieg in den musigmoagdd ealeichdan....wia san gschbaund und schaun, wos kummd...

dalenz auf antenne schdeiamoak!

a klane oboadnung von dalenz woa küazlich bei stephan legat im schdudio von da andenne schdeiamoak, um fia sei "freischbü" a zwaschdündige sendung aufzumzeichnen. es is vü glochd und drodschd woan und fosd des gaunze album "schwoazweis" gwasi radiouraufgfüad worn. mid a bissal gligg kau ma jedsd dalenz auf dem senda, voazugsweise in da nochd, hean...

hurra, dalenz ist do!

wia vakündn hiamid fealich di inbedriebnaume von dalenz.at.

nochdem unser debü-cd "schwoazweis" vor hervorrogenda kulissn am anazwandsigsdn mai da öffndlichkeit bräsendiad woan is und si seid easdn juni a zum kaufn gibd, ged jedzd a unsa nedzseiddn onlein.

wia wünschn vü vergnügn beim lesn, hean und schaun und gfrein uns auf kommendare und beschwerdn in unsam gäsdebuach.

p.s.: ois bsundas fidscha gibts de seidn nebn mundoadd a in hochdeitsch. oafach auf ana vun de zwa flagn rechts gliggn!